Pildi qaǵyp, mert boldy
ASTANA. QazAqparat - Taılandtyń Raıong provıntsııasynda úsh avtomobıl jáne úsh pildiń qatysýymen jol apaty boldy.
Bul týraly jergilikti BAQ habarlady. Oqys oqıǵa sársenbi kúni jergilikti ýaqytpen saǵat 06:00-de oryn aldy. Іshinde tórt adam otyrǵan, asa joǵary jyldamdyqtaǵy "Mıtsýbısı" zýlaǵan kúıi joldy kesip ótip bara jatqan úsh pildiń birin qaqqan. Aýdarylǵan kóliktegi aldyńǵy orynda otyrǵan júrgizýshi men jolaýshy áıel sol jerde jantásilim etti. Al artqy jaqtaǵy eki jolaýshy keıinirek aýrýhanada kóz jumdy. Bulardyń sońynda kele jatqan, tirkemesi bar júk kóliginiń júrgizýshisi apatty kórgen boıy tejegishti basqan.Al sońynda joǵary jyldamdyqpen kele jatqan taǵy bir mashına júk kóliginiń astyna kirip ketken. Júrgizýshi mert boldy, tirkemedegi úsh adam zardap shekti.
Kólikke soǵylǵan pildiń aıaǵy synǵan.
