Pilderdiń de moınyna elektrondyq qarǵybaý taǵyla bastady
ASTANA. QazAqparat - Pilderdiń moınyna elektrondyq qarǵybaý taǵý janýarlardy Jer seriginiń kómegimen kókten baqylaýǵa múmkindik beredi. Sonymen qatar taıaý arada aımaqta bastalatyn qurylys jumystarynyń sútqorektilerge tıgizetin áseri de tekserilmekshi.
Kenııa ǵalymdary bul bastamany bekerden beker kóterip otyrǵan joq. Óıtkeni 1940 jyldary elde meken etken 45 myń pildiń qazirgi sany 11 myńǵa jete me, jetpeı me?! Sondyqtan mamandar iri ınfraqurylymdyq jobalardyń janýarlarǵa tıgizetin keri áserin barynsha azaıtýǵa tyrysyp keled", dep habarlaıdy 24.kz.
«Pilderdi qutqaryńyz!» uıymynyń ókili Frenk Poýptyń aıtýynsha, alyp janýarlardyń moınyna elektrondyq qurylǵy taǵyp, olardyń júırik poıyzǵa arnalǵan temir jol qurylysyna qalaı áreket etetinin bilýge bolady. Óıtkeni shoıyn jol sútqorektiler meken etetin Tsavo ulttyq saıabaǵynyń shyǵysy men batys bóliginde jatyr.
2013 jyly Kenııa men Qytaı arasynda ekonomıkalyq yntymaqtastyq týraly kelisimge qol qoıylǵan. Bul joba sol mámile aıasynda júzege asyrylmaq. Temir jol Shyǵys Afrıkadaǵy saýda-sattyqty damytýǵa óz septigin tıgizýi tıis. Osy rette tiri tabıǵat týraly da umytpaǵan jón deıdi ekologtar. - Eldiń damýy úshin qalalar arasyndaǵy qatynasty jeńildetip, taýarlar tasymalyn yńǵaıly etý jaqsy, árıne. Alaıda janýarlar men ósimdikter álemin de nazardan tys qaldyrmaýymyz kerek, deıdi ekolog Benson Okıta. Jalpy kenııalyq pilderdiń moınyna buǵan deıin de elektrondyq qarǵybaý taǵylǵan. Olarǵa arnaıy Sim karta ornatyldy. Ol kezde bul egis alqaptaryn janýarlardan qorǵap qalý úshin jasalyp edi. ıAǵnı sútqorektiler taıap qalǵanda ortalyq serverge habarlama túsedi. Artynsha egiske arnaıy mamandar toby shuǵyl jetip, pilderdi qýyp shyǵady eken.
