Pikirtalas jumyrtqa nemese báteńke laqtyrýǵa ulasqan kezde, bátýadan bereke ketedi - Serik Janbolat
ASTANA. 26 sáýir. QazAqparat - Pikirtalas jumyrtqa, nemese báteńke laqtyrýǵa ulasqan kezde, bátýadan bereke ketedi, dep sanaıdy, belgili jýrnalıst, «Alash aınasy» gazetiniń bas redaktory Serik Janbolat Almatydaǵy brıfıngi kezinde QR eńbek jáne halyqty áleýmettik qorǵaý mınıstri Serik Ábdenovke jumyrtqa laqtyrylǵan beıbastaqtyqqa óz pikirin keltire otyryp.
«Iá, bireýdiń mınıstrge jumyrtqa laqtyrǵanyn ǵalamtordan kórdim. «Baspasóz máslıhatyna birneshe jumyrtqa alyp keletin qandaı jýrnalıst bul?» dep tańǵalǵanym ras. Óıtkeni, biz jýrnalıster kezdesýde jumyrtqa laqtyrýǵa daıyndalyp kelmeımiz. Jýrnalıstiń eń basty dáleli: deregi, ustanymy. Pikirtalas jumyrtqa nemese báteńke laqtyrýǵa ulasqan kezde, bátýadan bereke ketedi. Ondaı jerde bir ǵana nátıje bolady: janjal. Jumyrtqa laqtyrýǵa daıyndalyp kelgen adamnyń kózdegeni sol ǵana. Mınıstr Serik Ábdenovke ómirimde bir ret rıza boldym. Ózin salmaqty ustady. Qyzý qandy jigit bolsa álginiń betin tabaqtaı qylar ma edi? Muny túsiný úshin árkim ózin «jumyrtqaǵa jýynǵan jigittiń» ornyna qoıyp kórsin. Sondyqtan men álgi jumyrtqa jınap kelip burshaqsha jaýdyratyn adamnyń isin beıbastaqtyq, mádenıetsizdik dep baǵalaımyn. Bireýge qarsylyq tym dóreki bolsa, ony basbuzarlyq, tártipsizdik dep ataýǵa tıispiz. Sondyqtan ol jaýap berýge tıis. Bul ózgege úlgi bolar is emes», - dedi S.Janbolat.
