Pikir: Ulttyq bank aldynda 90-jylǵydan da aýyr mindet tur
ALMATY. QazAqparat - Qazirgi ýaqytta Ulttyq banktiń aldynda ótken ǵasyrdyń 90-shy jylynan da aýyr mindet tur. Bul týraly QR UB-niń eks-tóraǵasy Oraz Jandosov aıtty, dep habarlaıdy QazAqparat tilshisi.
«Qazirgi ýaqytta Ulttyq bank aldynda turǵan mindettiń qıyndyǵy ólsheýsiz dep oılaımyn. Óıtkeni, jalpy alǵanda ekonomıkalyq saıasatta másele áldeqaıda qıyn. 90-shy jyldary maqsat pen mindet barynsha aıqyn edi, biraq olardy júzege asyrýǵa qarjylyq jáne maman jaǵynan kúshtiń jetispeýi boldy. Qazir jalpy alǵanda memleket aldynda turǵan mindettiń júgi aýyr, sonyń ishinde Ulttyq banktiń búgingi jaýapkershiligi óte qıyn», - dedi Oraz Jandosov kapital.kz. portalyna bergen onlaın suhbatynda.
Onyń aıtýynsha, kommertsııalyq bankter Ulttyq bankke resmı emes kanaldar arqyly áser etedi, sondyqtan, olardyń yqpaly túsip qalmaý kerek.
«Naryqta Ulttyq banktiń táýelsiz bolǵany mańyzdy», - deı kele qarjyger Ulttyq bank bankterdiń qarjylyq «amandyǵy» úshin basty organ bolýy qajet ekenin aıtty.
