Pıkassonyń joǵalǵan kartınasy 37 dollarǵa «baǵalandy»
ASTANA. QazAqparat - Nıý-Iork qalasynda ıspan sýretshisi Pablo Pıkassonyń «Shashtaraz áıel» kartınasynyń túpnusqasy tabyldy. Bul kartına 2001 jyly Parıjdegi Pompıdý Ortalyǵynan jumbaq jaǵdaıda urlanǵan, dep habarlaıdy aqparat agenttikteri.
Amerıkandyq kedenshiler kartınany 2014 jyldyń jeltoqsan aıynda kezdeısoq jaǵdaıda anyqtaǵan. Ol Nıý-Iorkke Belgııadan sálem-saýqatpen jiberildi. Jiberýshi oramaǵa onyń nebári 37 dollar turatyn óner zaty bolyp tabylatynyn jazǵan. Kartınanyń jiberilýine qatysty adamnyń qamaýǵa alynýy týraly aqparat joq.
Pıkasso «Shashtaraz áıel» kartınasyn 1911 jyly jazǵan, qazirgi kezde sarapshylar ony mıllıondaǵan dollarǵa baǵalaýda. Sýrettiń kóp uzamaı Frantsııaǵa oralatyny kútilip otyr.
Pablo Pıkasso álemdegi eń qymbat sýretshi bolyp tanylǵanyn atap óteıik. Aıtalyq, 2008 jyly onyń jumystarynyń tek resmı satylymdarynyń baǵasy 262 mln. dollardy qurady.
