Pıkassonyń sýreti 106 mıllıon dollarǵa satyldy
ASTANA. Mamyrdyń 5-i. QazAqparat - Pablo Pıkassonyń «Jasyl jelekke oranǵan áıel» dep atalatyn týyndysy Christie's aýktsıonynda 106,482 mıllıon dollarǵa satyldy. Osylaısha, óner týyndysynyń quny boıynsha jańa álemdik rekord ornatyldy.
50 jyl ýaqyt boıy saýdaǵa shyǵarylmaǵan bul týyndyny sarapshylar 70-80 mıllıon dollarǵa baǵalap otyrǵan bolatyn. Sýretshiniń naqsúıeri Marı-Merez Valterdiń bul portreti Pıkassonyń eń aıtýly týyndylarynyń biri sanalady.
Buǵan deıingi eń qymbat óner týyndysy - Alberto Djakomettıdiń «Júrip kele jatqan adam» atty qola músini bolatyn. Músin 2010 jyldyń aqpan aıynda Londondaǵy Sotheby's aýktsıonynda $104,3 mıllıonǵa satyldy.
