Pıkassonyń «Otyrǵan áıel» polotnosy Londondaǵy bássaýdada 63 mln. dollarǵa satyldy
ASTANA. QazAqparat - Pablo Pıkassonyń (1881-1973) «Otyrǵan áıel» polotnosy Londondaǵy bássaýdada 43,3 mln. fýntqa (63,4 mln. dollar) satyldy, dep habarlady TASS.
Bul kartına buryn-sońdy bássaýdaǵa shyǵarylǵan kýbızm stılindegi eń qymbat jumys boldy. Polotnonyń aldyn-ala quny 28 mln. fýntty (41 mln. dollar) qurady.
Kartınada ataqty sýretshi Fernando Olıveniń súıiktisi beınelengen. Shyǵarma sheberdiń týǵan jerinde Orta-del-Ebro kentinde 1909 jyly salynǵan, bul kezde Pıkassonyń shyǵarmashylyǵy dáýirlep turǵan bolatyn.
21 maýsymda sondaı-aq Amedeo Modılıanıdiń (1884-1920) kartınasy 38,5 mln. fýntqa (56,4 mln. dollarǵa) satyldy. Áńgime frantsýz sýretshisi jáne modeli Janna Ebıýtern (1898-1920) jóninde bolyp otyr, ol ıtalıandyq keskindemeshi ári músinshiniń resmı emes áıeli jáne basty mýzasy bolǵan.
Qazirgi kezde bássaýdaǵa qoıylǵan jumystardyń ishinde Pol Gogen men Ogıýst Rodenniń eńbekteri bar.
