Pıkassonyń kartınasynyń astynan belgisiz er adamnyń portreti tabyldy
ASTANA. QazAqparat - Vashıngtondaǵy Fılıpps jınaǵyndaǵy Pablo Pıkassonyń ertedegi shyǵarmalarynyń biri «Kókshil bólme» astynan zertteýshiler belgisiz er adamnyń portretin tapty. Bul týraly ITAR-TASS habarlady.
Infraqyzyl sáýlelerdiń kómegimen pıdjak kıip, galstýk taqqan er adam anyq kórinedi. Ol shyntaqtap otyr, qolynyń saýsaqtarynda - úsh saqına bar.
Budan 60 jyl buryn jaǵńǵyrtýlar «Kókshil bólme» kartınasynyń astynan taǵy bir sýrettiń belgilerin baıqaǵan. 1990 jyldary ǵana bul paıymdaýlardy rentgen sáýlesi arqyly tekserý múmkin boldy. 2008 jyly Fıllıps jınaǵynyń, Vashıngtondaǵy ulttyq óner galereıasynyń jáne Kornel ýnıversıtetiniń mamandary ınfraqyzyl sáýleler arqyly anyq emes beıneni kórdi, al ótken aptada jetildirilgen skaner tehnologııasynyń arqasynda porttrettiń barlyq egjeı-tegjeıi belgili boldy. Sarapshylar endi kartınada kim beınelengenin anyqtaýǵa tyrysyp, bas qatyrýda.
Pıkasso kartınalary eki qabattan turatyny alǵashqy oqıǵa emes. Onyń Nıý-Iorktegi Gýggenhaım murajaı kollektsııalaryndaǵy «Kıim útikteýshi» shyǵarmasynan da jańǵyrtýshylar murtty er adamnyń beınesin tapqan bolatyn.
