Pıkassonyń kartınasyn búldirgen London turǵyny 18 aı túrmede otyrady
NUR-SULTAN. QazAqparat – London turǵyny Pablo Pıkassonyń 1944 jylǵy «Áıel músini» atty kartınasyn búldirgeni úshin bir jarym jyl túrmede otyrady. Bul týraly QazAqparat Bı-bı-sı agenttigine silteme jasap habarlaıdy.
Vandal 2019 jyldyń 28 jeltoqsanynda Londondaǵy Teıt Modern galereıasyna qoıylǵan kartınany búldirgen. Er adam tanymal sýretshiniń týyndysyn baspaly qulyppen birneshe ret urǵylap, odan keıin kartınany sheship alyp, jerge laqtyrǵan. Bul oqıǵadan keıin kórme uıymdastyrýshylary týyndyny kórsetilimnen alyp tastaýǵa májbúr boldy.
Kartınany búldirgen 20 jastaǵy Shakıl Messı aıyptaldy. Sarapshylardyń baǵalaýynsha, óner týyndysyna keltirilgen shyǵyn kólemi £20 mln qurap otyr. Ony qalpyna keltirýge £350 jumsalyp, 18 aı ýaqyt qajet bolady.
Pıkasso «Áıel músinin» 1944 jyly, Parıjde natsıstik okkýpatsııanyń sońǵy kúnderinde salyp bitirgen.
