Pıkassonyń 70-ke jýyq murasy satylmaq
ASTANA. QazAqparat - Belgili sýretshi Pablo Pıkassonyń shyǵarmashylyq murasy saýda-sattyqqa qoıyldy. Aýktsıonǵa 70-ke jýyq kúıdirgen sazdan jasalǵan jáne keramıkalyq músinder men 106 kartınalary usynyldy. Olar 10 mln. fýnt srelıngke (14,5 mln dollar) baǵalandy, dep jazady VVS agenttigi.
Jádigerlerdi Pablo Pıkassonyń nemeresi, sýretshiniń úlken ulynyń qyzy - 65 jastaǵy Marına Pıkasso satpaq. Usynylǵan barlyq týyndy sheberhanada saqtalǵan, budan buryn jurtshylyqqa kórsetilmegen. Saýda-sattyq Londonda 2016 jylǵy 5 aqpanda ótedi. Ony Sotheby's bássaýda úıi júrgizedi.
Marına 1975 jyly 10 myńǵa jýyq zatty atasynan muralyqqa alǵan. Ótken jylǵy shildede ol atasynyń 126 keramıkalyq jumystaryn bássaýdaǵa qoıyp, 12,3 mln. fýnt strelıng alǵan.
