Pıkasso kartınasy bássaýdada 67 mln dollarǵa satyldy
ASTANA. QazAqparat - Ispandyq sýretshi Pablo Pıkassonyń kartınasy Nıý-Iorktegi Sotheby's bássaýdasynda 67 mln dollarǵa satyldy, dep habarlady sheteldik BAQ.
Kartınada meıramhanadaǵy jalańash ánshiniń sýreti beınelengen. Týyndynyń artqy betinde taǵy bir beıne bar. Onda Pıkassonyń art-dılerine kekesin karıkatýra salynǵan. Ony 2000 jyly kartınany jóndeýden ótkizý kezinde tapqan. Jalańash ánshiniń portretin sýretshi Parıjge qonys aýdarǵan kezde 19 jasynda salǵan. Onyń baǵasy 60 mln dolllardy qurady. Ony satylymǵa bıznesmen Ýılıam Koh qoıdy, ol kartınany 1984 jyly 3 mln dollarǵa satyp alǵan. Pablo Pıkasso eń qymbat sýrteshi sanalady. Onyń týyndylary túrli aýktsıondarda turaqty rekord ornatyp keledi. Mamyrda 179 mln dollarǵa satylǵan Pablonyń «Aljır áıelderi» týyndysy álemdegi eń qymbat kartına esepteledi.
