PIK jumysyna kóńili tolmaıtyn astanalyqtar úshin shuǵyl nómir iske qosyldy
ASTANA. QazAqparat - Aýa raıynyń kúrt buzylýyna oraı Astana qalasynyń turǵyndary men qonaqtary aýlaishilik aýmaqty tazartý, kóktaıǵaq jáne sanıtarlyq tazartý máselelerine alańdaýshylyq tanytýda.
Qospalardyń aýlalar aýmaǵyna ýaqytyly sebilmeýi saldarynan kóktaıǵaq bolyp, adamdardyń qulap, jaraqat alý jaǵdaılary kóbeıýde. Atalmysh máseleler boıynsha jaýapkershilik PIK-ke júkteledi, dep habarlaıdy QazAqparat elorda ákimdigine silteme jasap.
Osy oraıda, halyqty ýaqytyly aqparattandyrý,sondaı-aq tıimdi keri baılanys ornatý úshin qala turǵyndarynan ótinishter qabyldaıtyn shuǵyl jeli ashyldy. Elordalyqtar 8(7172) 93-08-99 nómirine nemese uıaly telefonnan 109 (qońyraý tegin) qysqa nomerine habarlasa alady.
Qazirgi kezde Astanada 467 páter ıeleri kooperatıvi bar. Sonyń ishinde 144-i - Saryarqa, 231-i - Almaty jáne 92-si Esil aýdandarynda jumys isteıdi. PIK mindetine turǵyn úı mańyndaǵy aýmaqty jınaý, sonyń ishinde qar shyǵarý, jaıaý júrginshiler joldaryn tazartý, trotýarlarǵa qum sebý jumystary jatady.
Aýmaqty qar men muzdan tazalaý jumystary júrgizilmese nemese olar sapasyz bolsa, PIK QR Ákimshilik quqyqbuzýshylyq týraly kodeksiniń 505-baby «Abattandyrý erejelerin buzý» boıynsha ákimshilik jaýapkershilikke tartylady.
