PIK qaýymdastyǵy úshin bıyl Jazǵy mektep uıymdastyrylady
ALMATY. Maýsymnyń 11-i. QazAqparat /Erlik Erjanuly/ - Páter ıeleri kooperatıvi qaýymdastyǵy úshin uıymdastyrylatyn Jazǵy mektep turǵyn úı -kommýnaldyq sharýashylyq salasyndaǵy máselelerdi sheshýge kómektesedi.
Bul búgin Almatyda ótken «Energetıka jáne turǵyn úı -kommýnaldyq sharýashylǵyna ınnovatsııalar men energoresýrs saqtaý tehnologııalarynyn engizý» dep atalatyn konferentsııada aıtyldy, dep habarlaıdy QazAqparat.
«Jazǵy mektep turǵyn úı- kommýnaldyq sharýashylyq salasyndaǵy máselelerdi túsinýge jáne ony sheshýge kómektesýge baǵyttalǵan. Oǵan ár óńirden 2 adam qatysady. Olar arqyly, keıin mundaı sharalar ár aımaqta ótetin bolady», deıdi BUU Damý baǵdarlamasy Ǵalamdyq ekologııalyq qory jobasynyń energetıkalyq tıimdilik jónindegi menedjeri Aleksandr Belyı. Onyń aıtýynsha, qazir olar Astanada bastama kóterip ilki jobany júzege asyryp jatyr. Ol energııa jınaqtaýǵa zaem berýge arnalǵan. BUU Damý baǵdarlamasy arnaıy joba boıynsha grant bólip otyr. Onda jergilikti bılikke bolashaqta bul páter ıeleri kooperatıvterine bıýdjetten qarjy bólip, energetıkalyq tıimdilik arqyly oǵan jumsalǵan qarjyny keri qaıtarýdy josparlaý múmkindigi kórsetilmek. Qazir olar bıyl júzege asyrylatyn jobaǵa qatysatyn 17 úıdi tańdap alǵan.
