PIK basshylarynyń zańdyq biliktiligi áli de óz deńgeıinde emes
ALMATY. Maýsymnyń 11-i. QazAqparat /Erlik Erjanuly/ - Páter ıeleri kooperatıvteri basshylarynyń zańdyq biliktiligi tómendeý bolǵandyqtan kóp jaǵdaıda durys sheshimder qabyldaı almaı jatyr.
Bul búgin Almatyda ótip jatqan «Energetıka jáne turǵyn úı kommýnaldyq sharýashylyǵyna ınnovatsııalar men energoresýrs saqtaý tehnologııalaryn engizý», dep atalatyn konferentsııada aıtyldy, dep habarlaıdy QazAqparat.
«Qazirgi kezde óz josparymyz boıynsha Páter ıeleri kooperatıvteriniń (PIK) respýblıkalyq qaýymdastyǵymen birlesip páter ıeleri kooperatıvteri basshylary men qyzmetkerlerine 8 semınar ótkizdik. Olar PIK suranysy boıynsha soltústik oblystarda boldy. Biz ony uıymdastyrýdyń aldynda PIK-terdiń qyzyǵýshylyǵyn anyqtadyq», deıdi «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-nyń departament dırektory Esenbaı Islamov. Onyń aıtýynsha, semınarda zańgerlerdiń aqyl-keńesi ǵana emes, aldyńǵy qatarly PIK tájirıbeleri de ortaǵa salynady.
«PIK jumysy ónimdi bolý úshin turǵyn úı páterleriniń ıeleri de belsendi bolýlary kerek. Olar turǵyn úı kommýnaldyq sharýashylyǵyndaǵy máselelerdi sheshýge atsalysýy qajet. Qazir biz PIK basshylary men qyzmetkerlerine arnalǵan semınarlar men konferentsııalardy óz qarjymyzǵa tegin ótkizip jatyrmyz. Kelesi jyldan bastap ol bıýdjettik baǵdarlama bolady dep josparlanýda», deıdi Esenbaı Israıluly.
