PІB Medıtsınalyq ortalyǵynyń aýrýhanasynda «Ashyq esik kúni» ótedi

ASTANA. QazAqparat – 10 maýsym kúni QR PІB Medortalyǵynyń aýrýhanasynda «Ashyq esik kúni» ótedi. Osy kúni klınıkanyń bilikti dárigerleri halyqqa tegin konsýltatsııalyq kómek kórsetedi, dep habarlaıdy QazAqparat.

Saǵat 10:00-13:00 aralyǵynda otorınolarıngolog Álııa Darbekova, hırýrg Anton Lı, travmatolog-ortoped Mýhıtdın Djýma-Ahýnov, ýrologııa bóliminiń meńgerýshisi Bahtııar Qasymov, kardıohırýrg Erlan Deneev, neırohırýrg Ábýbákir Zulpyqarov, qantamyr hırýrgi Abylaı Seıitqalıev, akýsher-gınekolog Sábıra Rahymova, arıtmolog dáriger Shalqar Smaǵulov, pýlmonologııa bóliminiń meńgerýshisi Natalıa Ýtesheva, revmatolog Elmıra Turdysheva, terapııa bóliminiń meńgerýshisi, terapevt, nefrolog Aıjan Sársenbaeva qabyldaıdy.

Medıtsınalyq ortalyq aýrýhanasynyń dárigerleri kelýshilerdi Máńgilik el dańǵyly, 80-úı mekenjaıynda ornalasqan ǵımaratta (F blogy, 2-qabat) kútedi. Azamattardyń qolynda jeke kýáligi, taldaýlar nátıjeleri, ÝDZ/MRT sýretteri jáne aýrýhadan shyǵý kezinde berilgen qaǵaz bolýǵa tıis.

Osy oraıda, jyl basynan beri PІB Medortalyǵy elimizdiń óńirlerindegi kúnderin ótkizip júrgenin aıta keteıik. Osy is-shara aıasynda 5 aı ishinde bilikti dárigerlerden jáne basqa da sala mamandardan jasaqtalǵan aýqymdy delegatsııa Aqtóbe, Shyǵys Qazaqstan, Aqmola, Atyraý oblystary men Shymkent qalasyna baryp, halyqqa tegin kómek kórsetti, óńirlerdegi áriptesterimen tájirıbe almasty.