Pıanıst Denıs Matsýev Astanada kontsert beredi
ASTANA. QazAqparat - Reseı halyq ártisi Denıs Matsýev 14 mamyrda Astanada kontsert beredi, dep habarlady afishaday.kz saıty.
Atap óteıik, álemge tanymal pıanıst Qazaqstan astanasyna Ekinshi halyqaralyq klassıkalyq mýzyka festıvali men jas pıanısterdiń 10-16 mamyr aralyǵynda ótip jatqan «Astana Piano Passion» konkýrsy aıasynda kelgen bolatyn.
Astanadaǵy kontsertte maestro P.I.Chaıkovskııdiń «Jyl mezgilderi», M.Mýsorgskııdń «Kórmedegi kartınalar» shyǵarmalaryn oryndaıdy. P.I.Chaıkovskııdiń «Jyl mezgilderi» jazylǵan jeke albomy úshin pıanıst 2006 jylǵy «Rekord» syılyǵynyń laýreaty atandy. M.Mýsorgskııdiń «Kórmedegi kartınalar» pseasalary tsıklin tamasha oryndaýy Denıs Matsýevti kórermender súıiktisine aınaldyrdy», - delingen afishaday.kz saıtynyń habarlamasynda. D.Matsýevtiń kontserti Beıbitshilik jáne kelisim saraıynyń sahnasynda ótedi. Bastalýy - 19:00-de. Kirý bıletpen.
