Pıala shaıyn, alkogol ónimderin shyǵarǵan jasyryn tsehtar anyqtaldy
Bul týraly búgin QR Qarjy mınıstrliginiń Memlekettik kirister komıteti Profılaktıkalyq jumys jáne baqylaý basqarmasynyń sarapshy-ofıtseri Gúlnár Naǵyzhanova málim etti, dep habarlaıdy QazAqparat.
«2016 jylǵy ekonomıkalyq tergeý qyzmetiniń nátıjesinde kontrafaktilik ónimniń zańsyz aınalymy salasynda 133 sotqa deıingi tergep-tekserý sharalary júrgizildi jáne onyń 98 isi óndirispen aıaqtaldy», - dedi ol.
Onyń atap ótýinshe, 2016 jyly «Pıala» shaıy, «Makkofe» kofesi, Mobil motor maıy, «Stell», «Vavılon», «Perno Rıkar Kazahstan», «Chivas Holdings Limited», «Martell and Co» resmı dıstrıbıýtorlarynyń tańdaýly alkogoldik ónimderi sııaqty kontrafaktilik ónimder, án jazylǵan dıskiler men «Almatykitap» baspasynyń oqýlyqtaryn daıyndalǵan tsehtyń qyzmeti áshkerlengen.
«Osy sanattaǵy qylmystardy anyqtaý jáne ashý maqsatynda ekonomıkalyq qylmystardy tekserý qyzmetkerleri ishki ister, ádilet organdarymen birlesken jospar jasady. Quqyq ıelenýshilermen, «Atameken» UKP ókilderimen, senimdi patent qaýymdastyǵymen, múddeli memlekettik organdarmen dóńgelek ústelder uıymdastyrdy», - dedi Naǵyzhanova.
