Phýketten aýyr halde jetkizilgen sábı almatylyq dárigerlerdiń arqasynda aman qaldy
ASTANA. KAZINFORM — Taılandtyń Phýket qalasynan aýyr halde jetkizilgen shala týǵan sábı eki aıǵa jýyq ýaqyt dárigerler baqylaýynda bolyp, keıin úıine shyǵaryldy.
Densaýlyq saqtaý mınıstrliginiń málimetinshe, kishkentaı Aslan nebári 1 aı 18 kúndik kezinde sanıtarııalyq avıatsııa arqyly Almatydaǵy Pedıatrııa jáne balalar hırýrgııasy ǵylymı ortalyǵyna jetkizilgen. Onyń jaǵdaıy aýyr bolǵan: dene salmaǵy óte tómen, asqynýlar anyqtalǵan.
Sábı birden jańa týǵan nárestelerdiń anestezıologııa, reanımatsııa jáne qarqyndy terapııa bólimine jatqyzyldy. Dárigerler tekserý barysynda ómirine qaýip tóndirgen ishek perforatsııasyn anyqtap, shuǵyl operatsııa jasaý týraly sheshim qabyldady.
Balalar hırýrgteri kúrdeli ota jasap, sábıdiń ómirin saqtap qaldy. Otadan keıin Aslan neonatologter, reanımatologter, hırýrgter men meıirgerlerden quralǵan mamandar tobynyń táýlik boıǵy baqylaýynda boldy.
Eki aıdan astam ýaqyt ishinde náresteniń jaǵdaıy birtindep jaqsarǵan. Onyń salmaǵy 1 200 gramǵa ósip, qazir 2 500 gramǵa jetti. Búginde sábı ózdiginen tynys alady, tabıǵı jolmen tamaqtanady jáne ońaltýdyń kelesi kezeńin úı jaǵdaıynda jalǵastyrady.
Pedıatrııa jáne balalar hırýrgııasy ǵylymı ortalyǵynyń basshysy Abaı Qusaıynovtyń aıtýynsha, balanyń ómirin saqtap qalýǵa ýaqtyly uıymdastyrylǵan medıtsınalyq evakýatsııa, jedel dıagnostıka jáne dárigerlerdiń úılesimdi jumysy múmkindik bergen.
— Sábıdiń otbasy qymbat medıtsınalyq kómektiń tolyq kólemin memleket esebinen tegin aldy, — dedi ol.
Mamandardyń aıtýynsha, Qazaqstan sanıtarııalyq avıatsııa júıesi arqyly shuǵyl medıtsınalyq evakýatsııa uıymdastyratyn Ortalyq Azııadaǵy jalǵyz memleket bolyp otyr.
Eske salaıyq, buǵan deıin
