Phýkette nóser jańbyrǵa baılanysty qaýip kúsheıdi
ASTANA. KAZINFORM — Taılandtyń Phýket qalasynyń ákimdigi tolassyz nóser jańbyrǵa baılanysty qaýiptiń eń joǵary deńgeıi jarııalanǵanyn málimdedi, dep habarlaıdy The Nation basylymy.
Jergilikti bıliktiń málimetinshe, nóser jańbyr men kórshiles aýdandardan kelgen sý Bang ıAı kanalyndaǵy sý deńgeıin kúrt kótergen. Jaýyn-shashyn jalǵasa berse, kanal tasyp, turǵyn úılerdi sý basýy múmkin.
Taıland meteorologııa departamentiniń boljamynsha, eldiń ońtústik jaǵalaýynyń 70 paıyz aýmaǵynda naızaǵaı oınap, Phýkettiń keıbir aýdandarynda qatty nóser jaýýy múmkin.
Al Taılandtyń Sý resýrstary jónindegi aqparattyq ınstıtýty Phýketti qosa alǵanda, eldiń 10 provıntsııasyndaǵy jaǵdaıdy jiti baqylaý qajet ekenin eskertti.
Bılik turǵyndardy resmı eskertýlerdi qadaǵalap, saqtyq sharalaryn ustanýǵa shaqyrdy. Sondaı-aq shaǵyn kemelerdiń ıelerine teńizge shyqpaý eskertildi.
Eske sala keteıik, qyrkúıek aıynda Taılandta bolǵan aýqymdy sý tasqynynan segiz adam qaza tapty. Tabıǵı apat eldiń ondaǵan provıntsııasyn, sonyń ishinde Bangkokty qamtydy. Qaladaǵy barlyq 50 aýdan apat aımaǵy dep jarııalandy.
Sonymen qatar buǵan deıin Ystanbulda myńnan astam úıdi sý basyp, 15 kóshkin júrgeni habarlanǵan bolatyn.
