Phýkette qaıyq apatynan 20-dan astam týrıst zardap shekti, qurban bolǵandar bar

ASTANA.KAZINFORM - Jeksenbi kúni Phýket mańyndaǵy Andaman teńizinde qaıyq pen balyq aýlaıtyn kemeniń soqtyǵysýynan 23 týrıst jaraqat aldy, dep habarlady TASS agenttigi.

Thairath gazetiniń habarlaýynsha, 18 jastaǵy reseılik týrıst kóz jumǵan.

Jergilikti týrızm salasyndaǵy TASS derekkózi operatordyń «negizinen orys tildi týrısterge tómen bıýdjetti segmentte ekskýrsııalyq saparlar usynatynyn, bul qyzmet kórsetý sapasyna áser etetinin» aıtty.

- Bul kompanııanyń qaıyqtary buryn da apatqa ushyraǵan, - dep naqtylady derekkóz.

Phýket provıntsııasy bılik organdarynyń málimetinshe, apat jeksenbi kúni jergilikti ýaqyt boıynsha tańǵy saǵat 8:55-te (Máskeý ýaqyty boıynsha tańǵy saǵat 4:55) bolǵan. Qaıyqta shamamen 40 týrıst pen ekıpaj múshesi bolǵan.

Kazinform úshin arnaıy TASS seriktes agenttigi usynǵan.