Phýket gýbernatory jaǵajaılarda tamaqtanbaýdy ótindi - Bankok
ASTANA. QazAqparat - Phýket provıntsııasynyń gýbernatory Nısıt Djansomvong qoqys qaldyqtarynyń kóbeıýine baılanysty Phýket jaǵajaıynda tamaqtanýǵa tyıym salý qajettigin málimdedi.
Alaıda jergilikti jýrnalısterge bergen suhbatynda ol áńgime tyıymda emes, týrısterge jaǵajaıda tamaqtanbaýǵa ótinish bildiretinin habarlady. Bul aýmaqtyń qoqystanýyna jol bermeý úshin qoldanylyp otyr.
Gýbernator jaǵajaıda taǵam ishýge eshqandaı jaýapkershilik kózdelmegenin atap ótti. «Aral bıligi Phýket turǵyndary men qonaqtary buǵan túsinistikpen qaraıdy degen úmitte», - degen Nısıt Djansomvongtyń sózin keltiredi "Novostı Phýketa" basylymy.
Alaıda jeńil tiske basar men sýsyndar ákelýge bolatyny atap ótiledi.
Basylym temeki shegýge, ishimdik ishýge, qoqys tastaýǵa tyıym burynnan bar ekenin naqtylady.
