Phýket aralynda zań buzǵan sheteldikterge sary jáne qyzyl qaǵazdar beriledi

ASTANA. QazAqparat – Taılandtyń Phýket aralynda zań buzǵan sheteldikterge sary jáne qyzyl qaǵazdar berilmek, dep habarlaıdy QazAqparat tilshisi.

Reseılik TASS agenttiginiń jazýynsha, bul qaǵazdar fýtboldaǵy sary jáne qyzyl qaǵaz júıesimen jumys istemek. ıAǵnı, bir ret zań buzǵan sheteldikke áýeli sary qaǵaz beriledi. Sary qaǵaz alǵan sheteldik kelesi joly Taılandqa kire almaıdy. Al ekinshi ret zań buzǵan sheteldik elden dereý deportatsııalanady.

Biraq ázirge atalǵan sharalar qandaı zańdardy buzǵan sheteldikke qoldanylatyny naqty jazylmaǵan. Sondaı-aq sary qaǵaz ben qyzyl qaǵazdyń kúshi qansha merzimge jetetitini de, qyzyl qaǵaz alyp, deportatsııalanǵan adamnyń qaıtadan elge kirý múmkindigi týraly da naqtylanbaǵan.