Photoshop jasaýshylary Qazaqstanda kompıýterlik grafıka men dızaın boıynsha respýblıkalyq baıqaý ótkizedi
ASTANA. 12 qańtar. QazAqparat - 15 men 16 qańtar kúnderi Astanada kompıýterlik grafıka men dızaın boıynsha «Krıstaldy pıksel» atty respýblıkalyq baıqaý ótedi.
Elorda ákimdiginiń baspasóz qyzmeti habarlaǵanyndaı, baıqaýdy uıymdastyrýdy polıtehnıkalyq kolledj ben medıa-kontentti ázirleýge baǵyttalǵan baǵdarlamalyq qamtamasyz etý tóńiregidegi dúnıejúzilik jetekshi kompanııalardyń biri Adobe Systems Inc. qolǵa alatyn bolady. Dızaınerlik jarysqa QR Bilim jáne ǵylym mınıstrligi men Astana qalalyq Bilim berý basqarmasy qoldaý kórsetti. Oǵan eldiń barlyq oblystarynan 120-dan astam mektep, kolledjder men JOO-lar stýdentteri qatyspaq.
Baıqaý oqýshylar men stýdentter úshin baǵdarlama ónimderin qanshalyqty ıgergendigin bilýge jáne dızaın salasynda shyǵarmashylyq darynyn pash etýge úlken múmkindik beredi. Onyń sheńberinde qatysýshylar kollaj, jarnama, veb-saıt jasaý salalarynda óz kúshterin synaıtyn bolady.
Oqytýshylar men jetekshiler úshin baǵdarlamalyq ónimder, tehnologııa men ádistemeler boıynsha sheberlik synyptary ótkiziledi. Baıqaýdyń sharttaryn myna saıttan bilýge bolady: https://www.crystalpixel.polytech.kz/
