Philips kompanııasy 7-nshi qysqy Azııa oıyndarynyń atqarýshy dırektsııasyna tórt defıbrıllıator syıǵa tartty
ALMATY. Qazannyń 25-i. QazAqparat /Erbol Azanbek/ - Philips kompanııasy 7-nshi qysqy Azııa oıyndarynyń atqarýshy dırektsııasyna tórt defıbrıllıator qurylǵysyn syıǵa tartty. Atalǵan qurylǵy júrektiń toqtaýy kezinde, jasandy tynys aldyrýǵa kómek beredi.
«Júrektiń toqtaýy aıaq asty oryn alýy múmkin. Bul ásirese sporttyq sharalar ótetin, halyq kóp shoǵyrlanatyn jerlerde jıi bolady. Sondyqtan medıtsınalyq járdem jetkenshe kómek kórsetetin defıbrıllıator qurylǵysyn 7-nshi qysqy Azııa oıyndaryn uıymdastyrý dırektsııasyna syıǵa tartýdy jón kórdik»,- dedi Philips Electronics kompanııasynyń Qazaqstandaǵy ókildiginiń basshysy Davıd Galınek. Onyń qolynan qurylǵyny qabyldap alǵan oıyndardyń medıtsınalyq qaýipsizdik jónindegi bas sarapshysy Tólegen Dúısenovtiń aıtýynsha, defıbrıllıatorlar «Astana -Arena» stadıonyna, Almatydaǵy Balýan Sholaq atyndaǵy sport saraıyna, eki qalanyń halyqaralyq áýejaılaryna ornatylady.
Esterińizge sala keteıik, buǵan deıin oıyndardy uıymdastyrý dırektsııasy 10 defıbrıllıator satyp alǵan edi. T.Dúısenovtyń aıtýynsha, bular oıyndar ótkiziletin sporttyq nysandarǵa ornatylǵan. "Sporttyq sharalar kezinde bundaı jabdyqtardyń bolýy óte mańyzdy. Óıtkeni osy jabdyqtardy paıdalaný júrektiń aıaq asty toqtaýynyń 90 paıyzynda adam ómirin saqtap qala alady",-dedi ol.
