Phenhchandaǵy olımpıada nysandaryna 85 robot jumyldyryldy

ASTANA. QazAqparat - Phenhchannyń olımpıada nysandaryna - jarystan ótetin jerlerge, medıa jáne Olımpıada aýyldaryna  85 robot tartyldy.

Bul týraly TASS Oıyndardyń uıymdastyrý komıtetine silteme jasap habarlady. 

Robot-gıdter jarystardyń kestesi men týrıstik aqparattar týraly habarlap, basty baspasóz ortalyǵynda sýsyndar taratýda, sondaı-aq robot-sypyrýshylar da jumys istep jatyr.

«Balyq robottary» - 30 saǵat boıy 5 metr tereńdikte júze alatyn mehanıkalyq tuqylar da erekshe kózge túsýde. Taǵy 10 robot qabyrǵalarǵa kórkem sýret salyp, kópshilikti tańǵaldyrýda.

Phenchhandaǵy robottar arasynda Oıyndar bastalmaı turyp, olımpıada alaýy estafetasyna qatysqan HUBO roboty eń mańyzdy juldyz sanaldy.

Ony Koreıa ozat tehnologııalar ınstıtýty jasap shyǵarǵan.

Oıyndarda jalpy 11 túrli jasandy ıntellekti bar kómekshiler tanystyrylmaq.