Phenchhan Olımpıadasynyń 2-kúni: Qaı el qansha medal aldy

PHENChHAN. QazAqparat - Ońtústik Koreıada ótip jatqan HHIII qysqy Olımpıada oıyndarynyń ekinshi kúni 6 memleket túrli qundylyqtaǵy medaldardy jeńip aldy, dep habarlaıdy QazAqparat tilshisi.

Buǵan deıin Aq Olımpıadanyń alǵashqy medalin 7,5 shaqyrymdyq sprıntte Shvetsııa sportshysy Sharlotta Kalla jeńip alǵanyn jazǵan bolatynbyz.

Olımpıadadaǵy búgingi kúnniń jalpy esebi boıynsha, birinshi orynda Germanııa sportshylary keledi. Olardyń enshisinde 2 «altyn» bar. Ekinshi orynda 1 altyn, 2 kúmis, 1 qola medaldarmen Nıderlandy quramasy tur. Úshinshi orynǵa ázirge bir «altynmen» Ońtústik Koreıa ornalasyp otyr. 

Qazaqstan qorjynynda ázirge medal joq.

Eske salaıyq, búgin sportshylarymyz shańǵy jarysy, short-trek, shana sporty jáne bıatlonnan synǵa tústi.