Phenchhan qysqy Olımpıada medaldaryn tanystyrdy
ASTANA.QazAqparat - Phenchhan qysqy Olımpıadalyq Uıymdastyrý komıteti búgin 2018 jylǵy XXIII qysqy Olımpıada oıyndarynyń medaldaryn tanystyrdy, dep habarlaıdy QazAqparat.
Jeńimpazdarǵa tabys etiletin medaldardyń aldyńǵy betinde Olımpıada saqınalary, ekinshi betine Phenchhan qysqy Olımpıadasynyń logotıpi beınelengen.
Medaldyń dıametri 92.5 mıllımetr, shyǵyńqy betiniń qalyńdyǵy 9.42 mıllımetr, oıys betiniń qalyńdyǵy 4.4 mıllımetrdi quraıdy. Altyn medaldyń salmaǵy 586 gramm, «kúmis» -580 gramm, «qola» - 493 gramm. Atap ótken jón, altyn medaldyń salmaǵy 2014 jylǵy Sochı Olımpıadasy altyn medalinen aýyrlaý bolyp otyr.
Eske sala keteıik, qysqy Olımpıada oıyndary kelesi jyly 8 - 25 aqpan aralyǵynda Ońtústik Koreıanyń Phenchhan qalasynda ótedi.
