Phenchhan 2018 jylǵy Olımpıada oıyndaryna tolyqtaı daıyn
ASTANA. QazAqparat - Halyqaralyq olımpıada komıteti (HOK) ońtústikkoreıalyq Phenchhandy 2018 jylǵy Olımpıada oıyndaryna tolyqtaı daıyn dep tanydy.
Bul týraly HOK resmı saıtynda málim etilgen, dep habarlaıdy «QazAqparat» HAA.
«Sporttyq nysandar salynyp bitken, Olımpıada aýyly daıyn, Olımpıada alaýynyń estafetasyna búkil Ońtústik Koreıa turǵyndary qyzyǵýshylyq tanytyp jatyr. Bul jarys sportshylar úshin de, jankúıerler úshin de umytylmas oqıǵa bolmaq», - dedi HOK úılestirý komıssııasynyń tóraǵasy Gýnılla Lındberg.
«Olımpıadanyń bastalýyna 79 kún qaldy, biz álemdi qarsy alýǵa daıynbyz», - dedi 2018 jylǵy Olımpıada oıyndary uıymdastyrý komıtetiniń basshysy Lı Hı Bom.
Eske sala ketsek, 2018 jylǵy Olımpıada oıyndary Phenchhanda 9-28 aqpan aralyǵynda ótedi.
