Phenchhan-2018: Medaldyq esepte kósh bastap turǵan elder

ASTANA. QazAqparat - Ońtústik Koreıada ótip jatqan qysqy Olımpıada oıyndarynyń 16 aqpan kúngi jarys nátıjeleri boıynsha kósh bastap turǵan elderdiń tizimi ózgerissiz qaldy, dep habarlaıdy QazAqparat tilshisi.

Jalpy esepte úzdik bes memlekettiń aldynda Germanııa tur. Nemis sportshylarynyń enshisinde 9 altyn, 2 kúmis jáne 4 qola medal bar.

Ekinshi orynǵa 6 «altyn», 8 «kúmis» jáne 5 «qolamen» norvegııalyqtar ornalasyp otyr.

Al 6 altyn, 5 kúmis jáne 3 qola medaldary bar Nıderlandy quramasy ázirge úshinshi orynda.

AQSh sportshylary tórtinshi keledi, olardyń enshisinde 5 altyn, 1 kúmis jáne 2 qola júlde bar.

TOP-bestikti osy ýaqytqa deıin 4 «altyn», 5 «kúmis» jáne 4 «qola» jeńip alǵan Kanada eli túıindep tur.

Al 21-orynǵa ornalasyp otyrǵan Qazaqstan quramasynda ázirge bir qola medal bar. Jalǵyz júldeni el qorjynyna 11 aqpan kúni frıstaılshy ıÝlııa Galysheva salǵan bolatyn.

Eske salaıyq, 9 aqpanda alaýy tutanǵan Aq Olımpıada oıyndaryna Qazaqstan sportshylary 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al jalpy Olımpıada oıyndarynda sporttyń 15 túrinen 102 medal jıyntyǵy sarapqa salynady. Jarys 25 aqpanda aıaqtalady.