Phenchhan-2018: Medaldan basty úmitker Poltoranın olımpıadalyq qalashyqqa jetti
ASTANA. QazAqparat -XXIII qysqy Olımpıada oıyndarynda qazaqstandyqtar basty úmit artyp otyrǵan shańǵyshy Alekseı Poltoranın búgin Phenchhandaǵy olımpıadalyq qalashyqqa baryp ornalasty. Bul týraly QR Ulttyq olımpıada komıtetiniń baspasóz qyzmetinen málim etti, dep habarlaıdy «QazAqparat» HAA.
Olımpıadada erler arasyndaǵy shańǵy jarysynyń kestesi kelesideı:
11 aqpan - Skıatlon, 15 +15 shaqyrym (bastalýy 12:15)
13 aqpan - Sprınt, klassıkalyq stıl (bastalýy 18:35)
16 aqpan - 15 shaqyrym, erkin stıl (bastalýy 12:00)
18 aqpan - Estafeta, 4h10 shaqyrym (bastalýy 12:15)
21 aqpan - Komandalyq sprınt, erkin stıl (bastalýy 16:30)
24 aqpan - Mass-start, 50 shaqyrym, klassıkalyq stıl (bastalýy 11:30)
Esterińizge sala keteıik, XXIII qysqy Olımpıada oıyndary Ońtústik Koreıada 9-25 aqpan aralyǵynda ótedi. Dodanyń resmı ashylý saltanatynda Qazaqstan týyn short-trekshi Abzal Ájiǵalıev ustap shyǵady.
Baıraqty dodaǵa Qazaqstan quramasy 57 joldama jeńip aldy. Olar sporttyń 9 túrinen synǵa túsedi.
