Phenıan súńgýir qaıyqtan zymyran ushyrýǵa qatysty jańa vıdeo jarııalady
ASTANA. QazAqparat - Soltústik Koreıa súńgýir qaıyqtan ballıstıkalyq zymyran ushyrǵanyna qatysty jańa vıdeosyn jarııalady. Aldyn ala boljam boıynsha, bul synaq jeltoqsan aıynda ótkizilgen, dep habarlaıdy reseılik «RIA Novostı».
Vıdeony KHDR-nyń ortalyq teledıdary kórsetti. Bul synaq ótken jyldyń mamyr aıynda ótkizilgen osyndaı synaqtan ózgeshe bolyp otyr. Jańa vıdeoda zymyrannyń áýege tik ushyp shyqqany kórinip tur, al mamyr aıynda ótkizilgen synaqtyń vıdeosynda zymyrannyń ushý buryshy nebári 45 gradýs bolatyn, ári zymyran teńizge qulaǵan edi. Sarapshylar mamyrdaǵy ushyrýdy sátsiz ótti dep tanydy.
Jańa beınekadrda túsirilgen kúni kórsetilmegen. Alaıda Amerıkanyń Washington Free Beacon basylymynyń jazýyna qaraǵanda, bul 21 jeltoqsanda Japon teńizindegi Sınpho portynda QHDR súńgýir qaıyǵynan zymyran ushyrylǵan sát eken.
