Phenıan Ońtústik Koreıa men AQSh-ty «jaryp jiberýge» ýáde berdi
ASTANA. Naýryzdyń 9-y. QazAqparat - Dúısenbi kúni Soltústik Koreıanyń bas qolbasshysy Ońtústik Koreıa men AQSh elderin «jaryp jiberýge» ázir ekenin málim etti. Bul málimdeme, odaqtas elder jyl saıynǵy áskerı jattyǵýyn bastaǵannan birneshe saǵattan keıin jasaldy.
Phenıan bul jattyǵýdy «Soltústik Koreıaǵa jasalmaq shabýyldyń daıyndyǵy» dep atap otyr. QazAqparat bul týraly Utro.ru saıtyna silteme jasap habarlaıdy.
Phenıannyń mundaı qoqan-loqysyn kommýnıstik rejımniń úırenshikti áńgimesi dep qulaq aspaıtyn Koreıa Respýblıkasy men AQSh 11 kúndik jattyǵýyn bastap ketti.
Odaqtastar, tótenshe oqıǵa oryn ala qalǵan jaǵdaıda Koreıa túbegine AQSh áskerin jaıǵastyrýdyń birlesken jattyǵýlaryn júrgizedi.
