Phenıan men Seýl týysqandar kezdesýin ótkizbek
ASTANA. QazAqparat - KHDR men Ońtústik Koreıa ókilderi 1950-1953 jyldary Koreı soǵysynda ekige bólingen otbasylardyń kezdesýin jańǵyrtýǵa kelisti.
Atap aıtqanda, týysqandardyń kezdesýi 20-25 aqpanda shekaraǵa jaqyn jerde Soltústik Koreıa aýmaǵynda ótedi dep kútilýde.
Úsh jyl buryn taraptar osyndaı kelisimge kelgen bolatyn, alaıda eki el arasyndaǵy qarym-qatynastyń ýshyǵýy saldarynan KHDR sońǵy sátte óz sheshimin ózgertken edi.
Ekige bólingen otbasylardyń alǵashqy kezdesýi 1985 jyly uıymdastyrylsa, al kelesisi tek 2000 jyly ótti. Barlyǵy 20 jıyn ótip, onda 3800-den astam otbasy kezdesýge múmkindik aldy.
