Phenıan daýly teńiz shekarasyndaǵy Ońtústik Koreıanyń jattyǵýyna «qýatty qarsy soqqy berýge» ýáde berdi
ASTANA. Tamyzdyń 3-i. QazAqparat - Phenıan Ońtústik Koreıa Áskerı-teńiz flotynyń aǵymdaǵy aptaǵa josparlanyp otyrǵan jattyǵýyna «qýatty qarymta soqqy berýge» ýáde berdi.
Soltústik Koreıa áskerı qolbasshylyǵynyń ókilderi habarlaǵandaı, jattyǵýdyń eki el arasyndaǵy daýly shekara aýmaǵynda ótetindigi olardyń narazylyǵyn týǵyzyp otyr, dep habarlady RBK agenttigi.
Koreıa Halyq Demokratııalyq Respýblıkasy «satqyndar toby ótkizýdi josparlap otyrǵan áskerı-teńiz jattyǵýyna laıyqty jaýap berý týraly sheshim qabyldady», dep málim etti áskerı qolbasshylyq. Phenıan sondaı-aq, ońtústikkoreılik jattyǵýdyń eki Koreıanyń arasyndaǵy daýly teńiz shekarasyndaǵy «soltústik mejeleý syzyǵyn» óz kúshinde qaldyrýdy maqsat etken «saıası arandatýshylyq» áreket bolyp tabylatynyn málim etti.
Soltústik Koreıanyń áskerı qolbasshylyǵy barlyq azamattyq kemelerge operatsııa júrgiziletin aýdannan alystaý júrýlerin eskertti.
Seýl tarabynyń áskerı-teńiz jattyǵýy tamyzdyń 4-i men 9-y aralyǵyna josparlanyp otyr.
