PhD júıesin tolyqqandy engizý úshin 2015 jylǵa deıin bilim salasynda ótpeli kezeń jarııalaý kerek - Orazaly Sábden
ALMATY. Sáýirdiń 2-si. QazAqparat /Erbol Azanbek/ - Búgin Almatyda Qazaqstannyń ǵalymdar odaǵynyń jalpy jınalysy ótti,
dep habarlaıdy QazAqparat.
Belgili ǵalymdar men joǵary oqý oryndarynyń ókilderi qatysqan jıyn barysynda basty taqyryp retinde «Ǵylym týraly» zańǵa ózgerister engizý máselesi talqylandy. QR BǴM Ekonomıka ınstıýtynyń dırektory, akademık, ekonomıka ǵylymynyń doktory Orazaly Sábdenniń aıtýynsha, Ǵalymdar keńesi «Ǵylym týraly» zańǵa birqatar ózgerister ázirlegen. Onyń aıtýynsha, Ǵalymdar keńesi PhD júıesin tolyqqandy engizý úshin 2015 jylǵa deıin bilim salasynda ótpeli kezeń jarııalaý kerek degen. Al ǵylym kandıdattary men ǵylym doktorlaryn daıyndaý 2015 jylǵa deıin PhD doktorlaryn daıyndaýmen qatar júzege asýy kerek. Keńes barysynda ǵylym kandıdattaryna ataǵy úshin aılyǵyna qosymsha eki aılyq jalaqy kóleminde, ǵylym doktorlaryna 4 aılyq jalaqy kóleminde qosymsha jalaqy tóleý qajettigi aıtyldy.
