PGL Astana 2026 týrnıriniń fınaldyq kezeńi ótip jatyr
ASTANA. KAZINFORM – Elordada Counter-Strike 2 dıstsıplınasy boıynsha halyqaralyq PGL Astana 2026 týrnıri ótip jatyr. Búgin, 17 mamyr kúni, Barys Arena alańynda jarystyń aqtyq oıyny ótedi. Onyń qorytyndysy boıynsha álemdik doda chempıony anyqtalady, dep habarlaıdy Astana ákimdiginiń resmı saıty.
Fınalda jartylaı fınaldyq kezdesýlerde jeńiske jetken Team Spirit pen Team Falcons komandalary kezdesedi. Sheshýshi match Qazaqstandaǵy ǵana emes, sheteldegi kıbersport jankúıerleriniń de erekshe qyzyǵýshylyǵyn týdyryp otyr.
Týrnır alǵashqy kúnderden-aq óńirdegi eń kóp talqylanǵan kıbersporttyq is-sharalardyń birine aınaldy. Eki oıyn kúni ishinde arenaǵa shamamen 16 myń kórermen jınalsa, álem boıynsha onlaın translıatsııalardy júzdegen myń adam tamashalaǵan.
Jankúıerler komandalardy belsendi qoldap, týrnırdiń kórkin qyzdyrdy.
Kórermender úshin alańda aranıy taqyrypta fan-aımaqtar men túrli oıyn-saýyq baǵdarlamalary da uıymdastyrylǵan.
Kórermenderdiń aıtýynsha, týrnırdiń fınaldyq kúni naǵyz sport merekesindeı ótip jatyr, jankúıerler súıikti komandalaryna qoldaý bildirip, oıynshylarǵa erekshe jankúıerlik tanytýda.
PGL Astana 2026 týrnıriniń ótýi el astanasynyń iri sporttyq jáne kıbersporttyq is-sharalardy ótkize alatyn zamanaýı halyqaralyq alań retindegi bedelin arttyrýǵa yqpal etedi.
Budan buryn habarlaǵanymyzdaı, PGL Astana 2026 halyqaralyq týrnırin eki kúnde shamamen 16 myń kórermen tamashalady.
