PGL Astana 2026: Astana álemdik kıbersport ortalyǵyna aınalady
ASTANA. KAZINFORM – Elordada Counter-Strike 2 boıynsha iri halyqaralyq týrnır – PGL Astana 2026 ótedi, dep habarlaıdy qala ákimdiginiń resmı saıty.
Jarys 15-17 mamyr aralyǵynda «Barys Arenada» uıymdastyrylady. Týrnırge álemniń úzdik 16 komandasy qatysyp, jahandyq aýdıtorııa nazaryn Astanaǵa aýdarady.
Uıymdastyrýshylardyń málimetinshe, bul doda kıbersport álemindegi mańyzdy oqıǵalardyń birine aınalmaq. Týrnırdi PGL Esports SRL kompanııasy ótkizedi.
2025 jyly ótken PGL Astana týrnıri joǵary deńgeıde uıymdastyrylyp, onlaın translıatsııalar boıynsha rekordtyq kórsetkishterge jetken. Sonyń arqasynda Astana halyqaralyq kıbersport kartasynda óz ornyn aıqyndady.
2026 jylǵy týrnırdiń júlde qory 1,6 mln AQSh dollaryna deıin ulǵaıtyldy. Bul kórsetkish ony Counter-Strike 2 boıynsha eń iri jarystardyń qataryna qosady.
Aıta keteıik, qazaqstandyq kıbersportshy HLTV nusqasy boıynsha álemniń úzdik debıýtanty atandy.
