Pfizer vaktsınasyn jetkizý men saqtaý jumystary qalaı júredi

NUR-SULTAN. QazAqparat – Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Pfizer vaktsınasyn jetkizý men saqtaý jumystary qalaı júretinin túsindirdi, dep habarlaıdy QazAqparat.

«Qazirgi ýaqytta vaktsınany saqtaý sharttary –-70 gradýstyq temperatýra bolyp otyr. Kelisimderdi eskere otyryp, jetkizý boıynsha jumys júrgizýdemiz. Biz sýyq tizbekti qamtamasyz etý boıynsha jumys júrgizetin bolamyz. Biz sýyq tizbek máselesine úlken mán beremiz. Eń bastysy aýmaqtyq komıtetter bul baqylaýdy júzege asyrady», -dedi A. Esmaǵambetova Ortalyq kommýnıkatsııalar qyzmetinde ótken brıfıngte.

Aıta keteıik, QR Densaýlyq saqtaý mınıstrligi «Pfizer» kompanııasymen 2021 jyldyń 4-toqsanynda vaktsına jetkizý boıynsha aldyn ala kelisim bekitti.

QR Prezıdenti Qasym-Jomart Toqaev Úkimet otyrysynda Pfizer vaktsınasyn qazaqstandyqtarǵa qoljetimdi etý kerektigi týraly tapsyrma bergen edi.