Pfizer vaktsınasy jaıly jıi qoıylatyn suraqtarǵa mamandar jaýap berdi
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti jıi qoıylatyn suraqtardy saralap, solarǵa mamandardyń jaýabyn usyndy.
Birinshiden «vaktsına alǵannan keıin balada qandaı asqynýlar bolýy múmkin?» degen saýal jıi kóteriledi.
«Óndirýshi usynǵan aqparatqa sáıkes ekpe alǵan keı adamdarda Pfizer vaktsınasyn alǵannan keıin ınektsııa ornynyń aýyrýy, isinýi, sharshaǵyshtyq, bastyń jáne bulshyqettiń aýyrýy, býyndardyń aýyrýy, qaltyraý, dıareıa, qyzba, ınektsııa ornynyń qyzarýy, júrek aıný, qusý degen sııaqty reaktsılar kezdesedi» delingen vedomstvonyń jaýabynda.
Ekinshiden «vaktsınada qospa bar ma, konservanttary qandaı?» degen saýal jıi kóteriledi.
«Komırnatı» vaktsınasyna («Pfaızer» kompanııasy) arnalǵan nusqaýlyqqa sáıkes 1 dozada (0,3 ml) mRNQ negizindegi (lıpıdti nanobólshekterge ınkapsýlanǵan) COVID-19-ǵa qarsy 30 mkg bar.
Sonymen qatar vaktsınanyń quramynda bir dozaǵa keminde 1 mmol kalıı (39 mg) jáne natrıı (23 mg) bar, ıaǵnı olardyń úlesi shamaly ǵana.
Vaktsınada organızmde bedeýlik nemese mýtatsııalyq protsester sııaqty uzaqmerzimdi jaǵymsyz saldarlarǵa ákeletin komponentter joq.
Ekpedegi kez kelgen zattar halyqaralyq normatıvterge sáıkes organızm úshin qaýipsiz kontsentratsııada bolady
Balany vaktsınalaýdan qalaı bas tartýǵa bolady?
Profılaktıkalyq egýdi júrgizý aldynda jalpy praktıka dárigeri nemese pedıatr, dáriger bolmaǵan kezde feldsher azamattarǵa, kámeletke tolmaǵandardyń ata-analaryna nemese ózge de zańdy ókilderine jáne Qazaqstannyń azamattyq zańnamasynda belgilengen tártippen áreketke qabiletsiz dep tanylǵan azamattardyń zańdy ókilderine egý júrgizýge aqparattandyrylǵan kelisimdi usynady.
Profılaktıkalyq ekpe júrgizýge erikti túrde aqparattandyrylǵan kelisim nemese bas tartý jazbasha toltyrylady.
Esterińizge sala keteıik, Almaty oblysynda jasóspirimderdi, júkti jáne bala emizetin áıelderdi vaktsınalaý 15 qarashada bastaldy.
Búgingi kúni 7439 adam vaktsınanyń birinshi komponentti aldy.
Onyń ishinde 6075-i - 12-den 18 jasqa deıingi jasóspirimder, 336 júkti jáne bala emizetin 1028 áıel bar.