Pfizer vaktsınasy Qazaqstanǵa qashan qoljetimdi bolady – Bas sanıtar jaýaby
«Pfizer vaktsınasy qazaqstandyqtarǵa ekinshi jartyjyldyqtan keıin qoljetimdi bolýy múmkin. Pfizer kompanııasymen aldyn ala ýaǵdalastyqtar bar, memorandým bekitilgen, egjeı-tegjeıli suraqtar kelissózder deńgeıinde. Bir aıta keterligi, ózderińiz jańalyqtardan baıqaǵandaı, Pfizer vaktsınalary jetpeı jatyr, kompanııanyń ózge elder aldyndaǵy mindettemeleri áli sheshilmegen másele bolyp tur. Ol vaktsına -70 gradýsta saqtalýy kerek, barlyq tetikteri áli talqylanady», - dedi Erlan Qııasov №6 qalalyq emhanada tilshilerge bergen suhbatynda.
Bas sanıtar dáriger óz sózinde ýaqyt joǵaltyp almaýdy aıryqsha atap ótti.
«Dál qazir ýaqyttyń bizdi kútpeıtinin túsiný kerek, sondyqtan qolda bar múmkindikti paıdalaný kerek. Barynsha kóp adamdy qamtý úshin bul naýqandy barynsha erterek bastaǵan jón», - deıdi E. Qııasov.
Aıta keteıik, búgin Qazaqstanda koronavırýs ınfektsııasyn juqtyrý jáne taratý táýekeli joǵary sanattardy koronavırýsqa qarsy vaktsınalaý bastaldy. Qazaqstanda vaktsına erikti túrde salynady.
Elordadaǵy №6 qalalyq emhanada QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov pen Densaýlyq saqtaý vıtse-mınıstri Ajar Ǵınııat koronavırýsqa qarsy vaktsına saldyrdy.