Pfizer vaktsınasy Almatyǵa qashan ákelinedi –basqarma basshysynyń jaýaby
ALMATY. QazAqparat – Almaty qalalyq qoǵamdyq densaýlyq saqtaý basqarmasynyń basshysy Narıman Tabynbaev onlaın brıfıng barysynda amerıkalyq Pfizer vaktsınasy Almatyǵa qashan ákelinedi? degen suraqqa jaýap berdi, dep habarlaıdy QazAqparat tilshisi.
Densaýlyq saqtaý basqarmasynyń basshysy, Pfizer vaktsınasynyń tıimdiligi álemniń kóptegen elderinde joǵary baǵalanatynyn atap ótti. Ony qazaqstandyqtar da kútip otyr.
«Biz atalǵan vaktsınanyń Qazaqstanda qashan jáne qansha bolatynyn naqty aıta almaımyz. Kelissózder júrip jatyr, naqty kúni áli belgisiz», - dep jaýap berdi spıker.
Buǵan deıin, ol Almatyda koronavırýsqa qarsy Hayat-Vax jáne CoronaVac vaktsınalary taýsylǵanyn aıtty.
«Búgingi kúni QazVac vaktsınasy da az qaldy», - dep qosty basqarma basshysy.
Eske salsaq, 10 shildede ótken Úkimet otyrysynda Prezıdent Qasym-Jomarat Toqaev Pfizer vaktsınasyn qazaqstandyqtarǵa qoljetimdi etý kerektigi týraly aıtqan bolatyn.
