Pfizer óndirisin lokalızatsııalaý farmatsevtıka salasynyń damýyna tyń serpin beredi — Álıhan Smaıylov
VI Jahandyq ınvestıtsııalar jónindegi qazaqstandyq dóńgelek ústel (Kazakhstan Global Investment Roundtable) alańynda QR Premer-Mınıstri Álıhan Smaıylov Pfizer, Lasselsberger Group jáne Al Rajhi International for Investment (RAII) kompanııalarynyń ókilderimen kezdesti, dep habarlaıdy primeminister.kz.
Premer-Mınıstr Pfizer-diń óńirlik prezıdenti Patrık van der Loomen áńgime barysynda Qazaqstanda kompanııanyń barlyq bastamalary men ınvestıtsııalyq jobalaryn iske asyrýdyń mańyzdylyǵyn atap ótti.
Atap aıtqanda, qazir Prevenar 20 vaktsınasyn óndirýdi lokalızatsııalaý boıynsha belsendi birlesken jumys júrgizilýde.
Astanada KGIR-2023 sheńberinde joba boıynsha uzaqmerzimdi shartqa qol qoıyldy.
«Qazaqstan ınvestıtsııa men ozyq tehnologııalar tartýǵa múddeli. Pfizer preparattar óndirisin lokalızatsııalaý memleketimizdiń farmatsevtıka salasynyń damýyna serpin beretinine senimdimin», — dedi Premer-Mınıstr.
Avstrııalyq Lasselsberger Group kompanııasynyń basshysy Iozef Lasselsbergermen kezdesýde Qazaqstan aýmaǵynda keramıkalyq plıtalar, qurǵaq qospalar men jelim shyǵaratyn zaýyttar salý máseleleri talqylandy.
«Qazaqstan Lasselsberger sııaqty strategııalyq ınvestorlarmen uzaq merzimdi yntymaqtastyqty damytýǵa nıetti. Úkimet jańa ınvestıtsııalyq jobalardy júzege asyrýǵa tıisti kómek kórsetýge daıyn», — dedi Premer-Mınıstr.
Al Rajhi International for Investment kompanııasynyń bas dırektory, Qazaqstan-Saýd Іskerlik keńesiniń teń tóraǵasy Ahmed Álı ál-Dahılmen kezdesý barysynda aýyl sharýashylyǵy salasyndaǵy yntymaqtastyqtyń ózekti máseleleri talqylandy.
«Osy turǵyda birlesken jobalardy júzege asyrý úshin sizdiń kompanııańyzben yntymaqtastyq týraly memorandýmǵa qol qoıý – áriptestigimizdi nyǵaıtýdaǵy mańyzdy qadam. Qazaqstannyń agroónerkásip keshenin odan ári damytý úshin úlken áleýeti bar. Memleket óz tarapynan aýyl sharýashylyǵy sýbektilerine belsendi qoldaý kórsetip keledi», — dedi Álıhan Smaıylov.
Kezdesýlerdiń qorytyndysy boıynsha ózara tıimdi yntymaqtastyqty nyǵaıtý úshin tyǵyz is-qımyldy jalǵastyrý týraly ýaǵdalastyqtarǵa qol jetti.
