Pfizer-diń birinshi komponentin 128 174 jasóspirim salǵyzdy - mınıstr

NUR-SULTAN. QazAqparat – Elimizde Comirnaty (Pfizer) vaktsınasynyń birinshi komponentin 128 174 jasóspirim, 31 747 júkti jáne bala emizetin áıel alǵan. Úkimet otyrysynda QR Densaýlyq saqtaý mınıstri Alekseı Tsoı osyndaı málimet berdi, dep habarlaıdy QazAqparat tilshisi.

«Halyqty koronavırýs ınfektsııasyna qarsy vaktsınalaý jalǵasýda. Birinshi komponentti 8,8 mıllıonnan astam adam qabyldady. Bul vaktsınalaýǵa jatatyn eresek halyqtyń 77,5%-yn qurady. Ekinshi komponentti 8,2 mıllıonnan astam adam saldyrdy. ıAǵnı, ekpege jatatyn eresek turǵyndardyń 72,5%-y qamtyldy. Qazaqstan halqynyń jalpy sanymen alsaq, birinshi komponentpen qamtý – 47,2%, ekinshi komponentpen qamtý – 43,3% boldy», - dedi vedomstvo basshysy.

Mınıstrdiń sózine qaraǵanda, Comirnaty (Pfizer) vaktsınasynyń birinshi komponentin búgingi tańda 128 174 jasóspirim jáne 31 747 júkti jáne bala emizetin áıel alǵan. Al ekinshi komponentti - 5 592 adam qabyldaǵan.