Pezeshkıan: Izraılge qarsy soqqy Irannyń múddesi men azamattaryn qorǵaýǵa baǵyttalǵan

ASTANA. KAZINFORM – Iran prezıdenti Masýd Pezeshkıan seısenbi kúni Tegeran Izraıl aýmaǵyna zymyran ushyrǵannan keıin Izraıldiń áreketine «sheshýshi jaýap» bergenin málimdedi, dep habarlaıdy Mehr agenttigi. Bul týraly Interfaks jazdy. 

«Zańdy quqyǵymyzǵa súıene otyryp, jáne Iran men aımaqtyń beıbitshiligi men qaýipsizdigin saqtaý úshin sıonıstik rejımniń basqynshylyǵyna sheshýshi jaýap berildi», - dedi Pezeshkıan. 

Ol «bul áreket Irannyń múddeleri men azamattaryn qorǵaýǵa baǵyttalǵanyn» atap ótti. 

«Netanıahý Irannyń soǵys qozdyrýshy emes ekenin bilýi kerek. Iran kez kelgen qaýip-qaterge tótep berýge nıetti», - dep atap ótti Iran prezıdenti. 

Onyń aıtýynsha, zymyrandyq soqqy – Tegerannyń áskerı múmkindikteriniń shegi emes. 

«Bul bizdiń kúshimizdiń bir bóligi ǵana», - dedi Pezeshkıan. 

«Iranmen qaqtyǵysqa túspeńder», - dep eskertti ol.