Pezeshkıan: AQSh Iranmen soǵysty toqtatý týraly sheshim qabyldaýǵa tıis
ASTANA. KAZINFORM – Iran basshysy eki el ókilderi arasyndaǵy baılanystar jalǵasyp jatqan tusta Tegerannyń máseleni dıplomatııalyq jolmen retteýge daıyn ekenin rastady, dep habarlaıdy Kazinform agenttiginiń menshikti tilshisi.
Iran prezıdenti Masýd Pezeshkıan Tegerannyń áskerı teketiresti jalǵastyrýǵa nıeti joq ekenin aıtyp, soǵysty toqtatý týraly sheshim Vashıngtonǵa baılanysty ekenin málimdedi.
Bul týraly ol 24 qyrkúıekte Fox News telearnasyna bergen suhbatynda aıtty.
— Eger máseleni dıalog arqyly sheshýge múmkindik bolsa, bir-birimizben soǵysyp, adam ólimine jol bermeýimiz kerek. Alaıda Izraıldiń arandatýynan keıin bul soǵys bizge tańyldy. Biz soǵysty jalǵastyrýǵa múddeli emespiz. Endi ony toqtatýdy qalaı ma, joq pa — muny Amerıkanyń ózi sheshýi kerek, — dedi Pezeshkıan.
"So is Iran choosing war or a deal?" @BretBaier presses Iranian President Masoud Pezeshkian in an exclusive @SpecialReport interview as U.S.-Iran negotiations continue amid heightened tensions. "We do not choose war. The war was imposed on us. We do not seek war," Pezeshkian responds.
— Fox News (@FoxNews) September 24, 2026
Ol kelisim halyqaralyq quqyq talaptaryna saı bolyp, Tegerannyń zańdy múddeleri eskerilgen jaǵdaıda, Irannyń AQSh prezıdenti Donald Tramp ákimshiligimen kelisim jasaýǵa daıyn ekenin rastady.
Pezeshkıannyń aıtýynsha, taraptar buǵan deıin kelisimniń negizgi sharttaryn maquldap, ózara túsinistik týraly memorandýmǵa qol qoıǵan. Alaıda onyń sózinshe, qujatqa qol qoıylǵannan keıin eki apta ótken soń ýaǵdalastyqtar buzylǵan.
— Eger AQSh-tyń qazirgi ákimshiligi halyqaralyq quqyq talaptaryn saqtaı otyryp, kelisimge kelýdi kózdese, biz daıynbyz. Al olaı bolmasa, onyń aralyq saılaýǵa deıin ne odan keıin jasalǵanynyń biz úshin qandaı aıyrmasy bar? — dedi Iran prezıdenti.
Sonymen qatar Pezeshkıan Tegeran AQSh-tyń qarashaǵa josparlanǵan Kongress saılaýyna deıin Vashıngtonnyń ózara túsinistik týraly memorandýmǵa qaıta oralǵanyn qalaıtynyn aıtty.
Memorandým beıbit kelissózderdi qaıta bastaýǵa jáne Ormýz buǵazyn ashýǵa negiz bolýǵa tıis edi. Biraq onyń qoldanylý merzimi tamyz aıynyń ortasynda aıaqtaldy.
Amid U.S.-Iran diplomacy at UNGA, Pezeshkian is sitting down for an interview with Fox News tonight. A notable effort to speak to Trump’s political base.
— Sina Toossi (@SinaToossi) September 24, 2026
Iran prezıdenti AQSh pen Izraıldiń soqqylarynan eldiń joǵarǵy basshysy, ırandyq ǵalymdar, áskerı qolbasshylar men memlekettik qyzmetkerler qaza tapqanyna qaramastan, Tegeran kelisimge kelýge kúsh salyp jatqanyn aıtty.
Pezeshkıan Iemendegi hýsıtter Iran úkimetiniń nusqaýymen áreket etedi degen pikirdi de joqqa shyǵardy. Buǵan deıin AQSh pen Iemenniń halyqaralyq deńgeıde moıyndalǵan úkimeti Tegerandy «Ansar Allah» qozǵalysyna áskerı jáne saıası qoldaý kórsetip otyr dep aıyptaǵan.
— Hýsıtter óz áreketteri úshin ózderi jaýap beredi. Olar bizdiń nusqaýymyzben áreket etpeıdi. Biz olarmen aralasamyz, biraq bizde turaqty ári júıeli qarym-qatynas joq, — dedi ol.
The FULL Fox News Interview with Iran's President, Dr. Pezeshkian 00:00 - War, Peace Deal and Iran’s Demands 02:37 - Hormuz, Hezbollah and the Houthis 04:42 - IRGC, Failed Deal and Who Controls Iran 05:53 - January Protests and Death Toll 12:10 - Supreme Leader and Iran’s Leadership 14:06 - China and U.S. Base Strike 16:24 - Iran’s Nuclear Program and 60% Uranium 19:40 - Diplomacy and Path to a Deal 20:38 - Iran’s Economy and Sanctions 22:48 - Ending the War
— Ryan Rozbiani (@RyanRozbiani) September 24, 2026
Pezeshkıannyń bul málimdemesi Nıý-Iorkte Iran men AQSh ókilderi birneshe aıdan keıin alǵash ret janama kelissóz ótkizgen tusta aıtyldy. Taraptar Qatardyń araaǵaıyndyǵymen habar almasqanymen, naqty kelisimge kelgeni týraly aqparat taraǵan joq.
