Petya vırýsyn kimder taratýy múmkindigi anyqtaldy
ASTANA. QazAqparat - ESET kompanııasynyń sarapshylary Petya vırýsynyń taralýy men Telebots hakerlik toby arasyndaǵy baılanysty anyqtady. Bul týraly «Lenta.rý» kompanııanyń baspasóz habarlamasyna silteme jasap habarlady.
Mamandar qaskúnemderdiń ınfraqurylymyna, sondaı-aq quraldar men syzbalaryna, shabýyl maqsattaryna taldaý negizinde osyndaı tujyrymǵa kelgen.
«Bul top qyzmetiniń artynda kim turǵanyn naqty anyqtaý qazir múmkin bolmaı otyr», - dep atap ótken kompanııadan.
27 maýsymda Petya vırýsy Ýkraına, Reseı, Italııa, Izraıl, Serbııa, AQSh jáne basqa elderdegi kompıýterlik júıelerge shabýyldady. Vırýstyń taralýy ýkraınalyq uıymdardan bastaldy.
Qaskúnemder qurbandardyń kompıýterlerin buǵattap, ishindegi aqparat úshin bıtkoın jelisimen 300 dollar kóleminde tólem talap etti. Keıinnen mamandar hakerler shıfrlanǵan derekterge qoljetimdilikti qalpyna keltirýdi josparlamaǵanyn, olardy joıýdy maqsat tutqanyn anyqtady.
