Petya Reseı men Ýkraına kompanııalaryna shabýyldady
ASTANA. QazAqparat - Reseı men Ýkraına kompanııalary Petya shıfr anyqtaýshy-vırýstyń shabýylyna tap boldy. Bul týraly kıberqylmystardyń aldyn alýmen jáne tekserýmen aınalysatyn Group-IB kompanııasynan málim etti, dep habarlaıdy QazAqparat.
Vırýs kompıýterlerdi buǵattap, elektrondy tólem júıesi arqyly 300 dollar kóleminde aqy talap etedi, dep jazady TASS agenttigi.
Reseı men Ýkraınanyń kompanııalaryna aýqymdy shabýyl Astana ýaqytymen saǵat 16.00 shamasynda tirkeldi. Group-IB kompanııasynyń habarlamasynda málim etilgendeı, atalmysh vırýstyń jergilikti jeli boıynsha taralýy WannaCry vırýsymen birdeı. Kompanııa mamandary jýyrda Petya vırýsyn qarjy mekemelerine maqsatty shabýyldardyń izin jasyrý úshin Cobalt toby paıdalanǵanyn anyqtaǵan.
Kıbershabýyl saldarynan zardap shekkender arasynda «Bashneft», «Rosneft», Mondelez International, Mars, Nivea, TESA jáne ózge de kompanııalar bar», - delingen taratylǵan habarlamada.
Sondaı-aq vırýs Ýkraına úkimetiniń kompıýterlerine, «Ashan» dúkenine, Prıvatbankine,sondaı-aq «Kıevstar», LifeCell, Ýkrtelekom baılanys operatorlaryna shabýyldaǵan.
«Boljam boıynsha, «Borıspol» áýejaıy da hakerlik shabýylǵa tap boldy. Odan bólek, «Zaporojeoblenergo», «Dneproenergo» jáne «Dnepr elektroenergııasy júıesi» kásiporyndary zardap shekti», - dep atap ótedi Group-IB.
