Petropavlovda burynǵy mektepti turaǵy joq adamdar panalaıtyn boldy
PETROPAVL. QazAqparat - Petropavlda turaqty mekenjaıy joq adamdarǵa arnalǵan túngi turaq qaıtadan ashyldy, dep habarlaıdy QazAqparat tilshisi SQO ІІD-niń baspasóz qyzmetine habarlaı otyryp.
Alǵashqy kúni turaqqa 11 adam keldi. Turaqty mekenjaıy joqtardy qabyldaý-taratý mekemesiniń qyzmetkerleri reıd barysynda túnde olardy qubyr jáne qudyqtardan taýyp, bólimshege jetkizedi.
Turaqta keshki jáne túngi ýaqytta polıtsııa qyzmetkeri ǵana emes, medıtsına qyzmetkeri de kezekshilik etedi.
Turaqty mekenjaıy joq adamdardy áleýmettik beıimdeý ortalyǵy ǵımaratty kvartsteý arqyly tazartý, bir rettik kórpe tysymen, oramalmen qamtamasyz etýdi óz moınyna alǵan.
Ortalyq dırektory Jasulan Somtemirovtyń aıtýynsha, ǵımaratty jylytý úshin pesh ornatý, oǵan otyn jetkizýdi máselesin ákimdik sheship bergen. Ǵımaarttyń ishi jyly ári qurǵaq.
Túnemelikti ashý jóninde bastamany polıtsııa mekemesiniń basshysy general-maıor Berik Bılıalov kótergen. Osy bastamany jergilikti atqarýshy bılik qoldap, oǵan burynǵy mekteptiń ǵımaratyn usynǵan.
