Petropavlǵa óńir aýdandarynan kómekke volonterler kelip jatyr
PETROPAVL. KAZINFORM – Petropavlda bógetterdi nyǵaıtý jumystary qarqyndy júrip jatyr. Bul jumysta volonterlerdiń jumysy da ólsheýsiz. Búgin kómekke Aqqaıyń aýdanynan 60 volonter kómekke keldi.
Soltústik Qazaqstan oblysynda qazir Esil ózeniniń boıynda ornalasqan eldi mekenderde jaǵdaı kúrdeli. Qalǵan aýdandarda qarǵyn sýdan kelgen qaýip seıildi. Máselen Aqqaıyń aýdanynda jaǵdaı turaqtaldy, aýyldar sý kirýden aman qaldy. Sondyqtan mundaǵy aǵaıyn Petropavldy tasqyn sýdan qutqarýǵa kómektesý úshin qalaǵa keldi. ǵy qıyn jaǵdaıǵa beı-jáı qaramaǵan aýdannyń belsendi turǵyndary búgin qalaǵa kómekke keldi.
«Aýdan ákimi úndeý jasap, bihz qoldaý kórsetip, kómektesýge óz erkimizben kelip otyrmyz. Osyndaı qıyn-qystaý sátte birigip, qıyndyqpen birlese kúresken jaǵdaıda alynbaıtyn qamal joq. Bul qıyndyqty da eńseremiz dep oılaımyn. Aramyzda 18 jastaǵy volonterler de bar. Qys boıy ózimizdiń aýdandaǵy jalǵyzilikti qarttarǵa kómektestik, aýlalaryn qardan tazarttyq», - deıdi Aqqaıyń aýdanynyń turǵyny Rahmet Aıǵojın.
Tasqyn sýmen kúreske Petropavl qalasy boıynsha 500-ge jýyq volonter at salysyp jatyr. Olardyń ishinde «kúmis volonterler» de bar. Bastamashyl toptyń jetekshisi Sáýle Tahmetovanyń aıtýynsha, olardyń qatarynda 34 adam bar. Eń jasy – 65-te.
«Mundaıda qol qýsyryp qarap otyra almaımyz. Sý basý qaýpi bar aýdandarda jadnama taratyp, turǵyndardy eskerttik. Jigitterimiz qaptaýǵa kómektesti. Keshe jınalys ótkizip, 94 myń teńge jınadyq. Bul qarajatty kómek kerek adamdarǵa jumsaımyz, azyq-túlik, jeke bas gıgıenasyna qajet zattardy alyp beremiz», - deıdi Sáýle Tahmetova.
