Petropavlǵa Qazaqstan óńirlerinen 200 polıtseı jınaldy
PETROPAVL. QazAqparat - Soltústik Qazaqstan oblysynda qoǵamdyq tártipti qamtamasyz etý úshin polıtseıler kúsheıtilgen tártippen jumys istep jatyr, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimdeýinshe, óńirge kórshi oblystardan 200 polıtseı kelgen. Olar XV Qazaqstan-Reseı óńiraralyq yntymaqtastyǵy forýmy kezinde qoǵamdyq tártipti saqtaıdy.
«Taıaý oblystardyń polıtsııa kúshterin jumyldyrý - iri qoǵamdyq-saıası sharalardy ótkizý kezinde qoǵamdyq tártipti qamtamasyz etýdiń synalǵan tájirıbesi», - deıdi baspasóz qyzmetiniń ókilderi.
Kólikter men kolonnalardy alyp júrý úshin qosymsha avtopatrýl ekıpajdary da keldi.
Polıtsııa departamentiniń aqparatyna súıensek, 9 qarasha kúni Petropavldaǵy Jambyl kóshesiniń forým ótetin bóligi jabylady. Avtokólikter basqa kóshelermen ádettegideı qozǵala beredi.
